Kevre Delos

Kevre Delos, savet war-dro 477 kent JK^[1], a oa ur c'hevredad keodedoù eus Henc'hres, ennañ etre 150^[2] ha 173 ezel^[3], dindan hegemoniezh Aten. E bal a oa derc'hel da vrezeliñ ouzh Impalaeriezh Persia goude trec'h ar C'hresianed en emgann Plataia e fin ar Brezelioù medek. Dont a ra anv a vremañ ar c'hevre^[4] eus al lec'h ofisiel ma veze dalc'het e gendalc'hoù, Enez-Delos, m'en em vode dileuridi an izili en templ hag e-lec'h ma oa dalc'het an teñzor Nebeut goude e savidigezh e krogas Ateniz da implijout listri hag arc'hant ar c'hevre evito o-unan. An emzalc'h-se a zlee lakaat bec'h da sevel etre Ateniz hag an izili eus ar c'hevre na oant ket ken galloudek. Kontrol strizh Aten war Kevre Delos a oa da lakaat Brezel ar Peloponnesos da darzhañ e 431 kent JK. Divodet e voe ar c'hevre e diwezh Brezel ar Peloponnesos e 404 kt JK.

1. ↑ Martin, Thomas (2001-08-11). Ancient Greece: From Prehistoric to Hellenistic Times. Yale University Press. ISBN 978-0300084931. 
2. ↑ The Complete Idiot's Guide to Ancient Greece By Eric D. Nelson, Susan K. Allard-Nelson, Susan K. Allard-Nelson. Page 197.
3. ↑ Streams of Civilization: Earliest Times to the Discovery of the New World By Mary Stanton, Albert Hyma. Page 125
4. ↑ A history of the classical Greek world: 478-323 kent J.-K. gant Peter John Rhodes Page 18 ISBN 1-4051-9286-0 (2006)